ماذا تفعل لو قال لك شخصا انه يكرهك ؟

السلام عليكم ورحمة الله وبركاتة

شخباركم شو مسوين عساكم طيبين؟؟
عندي سوال واتمنى الكل يرد عليه لاني اريد اقرى ردودكم الحلوه .....

ماذا تفعل لو قال لك اعز الناس سوء كان زميل او حبيب او صديق كلمة اكرهك بكل حقد امام جميع الناس ؟؟؟؟؟

سؤال محرج ورده صعب كثير

لكن برد عليه ...

وانا حبيتك وبظل احبك بحكم الصحبة الي قضيناها واذا انته تكرهني براحتك
الزم ما علي شعوري ...
والله يعينك على القلب الي عندك

اما انا بجعد نص ساعه بس اتقبل الكلمه وبعدبن راح اصيح وعاد بعدين راح اتفاهم لان الكلمه بتكون صدمه اكبيره بنسبالي حتى لو كانت من اي شخص ومستحيل راح اسامح الشخص الي جالي هذي الكلمه وحتى لو سامحت ما راح اكون وياه مثل جبل ( الجرح بيكون اكبير)

وتسلمين عطر الورد على الرد الحلو
وانشالله ما نتقبل هذي الكلمه من اي شخص

يعني سؤال عن جد خطيييييييير

اما انا وبصفتي ذكر ماراح انطق بكلمة
هو يقولي انا اكرههك لكن انا بسكت وببتسم
ولما يخلص بسفهه وبمشي
يمكن بل اكيد بنجرح بس ما راح اوضح هالشي

تسلمي على السؤال الخطير مرة

والله زين اتسوي فيه شذي يستاهل
لو نجدر احنا البنات انسوي مثل ما انتوا اتسوى كان زين بس قلوبنا ما تستحمل ابسرعه نتأثر

تسلم على المرور يا اخوي العنيف

اما انا ما بصيح لانه يكرهني
بصيح على الايام الي قضيتها معه
والوقت الي خسرته علشان انسان تافه
لكني بصيح بابتسامه
لان اقوى الناس هو الذي يبتسم وفي عينه دمعة
شكرا على السؤال الي يشيب الراس

ول ول ول ول لهدرجه شيبت راسج ههههههه اسفه حبيبتي
وتسلمين على هذي الطله الحلوه

بصراحة احراج كبير بيكون
لكن الشاطر هو من يعرف يتحكم في مثل هالمواقف
لاحظت ردود الاعضاء وأعجبت ببعض ردة فع
&العنيف&
عـــ الورد ـــطر
اما بالنسبة لي فراح أرد عليه بنفس الطريقة الي قالها لي وبعترف له اني انا بعد اكرهه
بس علشان يعرف اني ابادله الشعور
وراح اذكر هالشي غصبا عني بس علشان اجرحه مثل ما جرحني
واتظاهر اني عادي وانه ما يهمني أمره

والطله الحلوه ~lion life~ تسلم على لرد اخوي
وانشالله ومثل ما جلت اول يارب اتكونوا محبوبين عند الكل وما اتسمعوا هل كلمه من عند اي احد